2017年1月19日 星期四

寶寶雞煲。三五知己聚緊係要食火鍋

 寶寶雞煲。三五知己聚緊係要食火鍋
其實我都幾鍾意打便爐, 遇正同樣喜歡食火鍋既朋友
就一定會去食火鍋~
喜歡想食咩就叫咩, 一定食得飽, 而且特別喜歡熱騰騰咁放入口, 最享受
最近約左朋友仔係大家都就腳既旺角等
之後就搵左「寶寶雞煲」, 係樓下會有個好大既閃燈牌



上到去先發現原來環境很細, 不過店員非常親切招呼我們入去坐



我地叫左個雞煲試下
野食選擇都幾多



有人唔食羊, 所以沒點這個, 下次和別的朋友來再試
「寶寶雞煲」自家製的竹庶水, 味道適中, 不太甜, 還可以選擇熱飲的~



最想吃這個, 但點完雞煲先發現這張~>_<~



雞煲出場, 沒有平時勁香濃的味, 不過味道都OK,
雞煲其實可以選麻辣, 不過我怕太辣所以試了小辣
原來都唔係好辣, 下次可以試中辣會野味D
喜歡濃味的記得叫辣



雞件好滑好嫩, 不過份量比較少



手切肥牛, 老闆介紹這名為「封門柳」好特別的名字
肉味都幾濃, 幾嫩口, 油脂分佈岩岩好, 不會覺得太肥膩



炸釀油條, 幾過癮, 外面脆卜卜, 入面彈牙, 幾有口感
岩岩炸起個陣食最正, 不過就幾熱氣



手打蝦丸無得頂, 鮮蝦味好重, 彈牙得黎又好實, 可能自己煮耐左~哈哈~
芝士牛丸, 芝士味超濃, 令我覺我整件牛丸都太咸了~



原條野生竹笙, 吸左湯後, 好爽, 比平時食的大好多, 所以更有口感



炸響鈴不過一失, 如果再脆D更好



當然唔少得菜啦~叫左皇帝菜, 都幾嫩
粟米好甜, 蟹柳煮極都唔散, 好神奇
魚肉年糕, 最後唔記得左食~哈哈~
雜菇緊係我點啦~好喜歡食菇菇~



新鮮足料韮菜餃, 大大件夠飽肚
下面一塊塊的是甘香牛峰, 第一次試, 煮熟之後同肥膏好似
食落口真係好似食緊肥膏, 個人不太喜歡這樣吃肥膏, 哈哈~~



這是豬腳跟, 又係第一次食, 老闆推介, 話要煮半小時先食得~
本來睇賣相沒什麼期望, 原來食落好似好重骨膠原咁~女士即刻丁一聲
口感好彈牙又有D煙靿, 幾好味~下次可再食



椒鹽豆腐估唔到咁大件, 超香口, 食完會好想飲可樂~哈哈~~
外層香口脆脆地, 入面豆腐好鬼滑
桂花蚌感覺麻麻地, 唔知係咪自己煮得太耐, 一度搵唔返佢 



謝謝大家來看LoveCath夏沫的文章啊~^^~
Catherine (LoveCath夏沫),

分享平台 Blog