2012年4月23日 星期一

兩小時的快樂~

兩小時的快樂~
 
夏沫突然在想, 一早七時多起床上班, 晚上七至八時才下班, 回到家已經九時多, 還沒吃飯~
扣除吃飯(街外吃)及洗澡, 已經晚上十一時, 夏沫一般都接近一時多才去睡,
所以, 完完全全屬於夏沫的時間, 就只有兩小時, 這兩小時要如何運用才沒浪費呢?
 
為何夏沫突然有此想法?
最近身邊有一位友人的同事, 為了一點工作上的小事情而生氣, 她為了避免跟夏沫的友人有任何聯繫,
竟然一整天沒跟友人對話, 可是她們工作上可時息息相關的,
友人沒理會這位同事, 就這樣, 這位同事就足足生氣了一整個星期~
夏沫就在想, 一天就只有兩小時的快樂屬於自己, 假如連工作上的十小時都不快樂~值得嗎?
為了一個只在工作上才碰面的同事, 而苦了自己, 值得嗎?
事情過去了, 就過去了, 解決了就沒事, 工作上的事, 過於執著, 只會苦了自己。
 
從前的夏沫, 也很喜歡將工作的情緒帶回家中~
其實是苦了自己之餘, 也苦了身邊的你及家人~
夏沫長大了, 看開了, 脾氣自然也消了~
 
您們又有多少時間是屬於自己? 如何好好享受這個時光?
一起分享一下吧~

2012年4月18日 星期三

五年前我也是盛女?

五年前我也是盛女?
睇了七集的「盛女愛作戰」, 我發現原來五年前我也是盛女? 剩女? 真的?
但我絕不會說自己是盛女或是剩女~
不是我對自己有自信, 而是我對男人沒信心~
身邊好多有家室既男性朋友對女朋友超好, 可是仍然會貪新鮮找其他女伴~
根本不輪到你想太多~今天專一, 不代表明天仍然專一, 那何必想太多?
沒有男朋友會悶? 如果有一個壞的男朋友, 我寧願單身好了~
 
這個節目令我有同感的是, 她們的感情創傷, 她們對男性的想法, 我也曾經感受過~
曾經好似 Gobby 般認為自己唔靚, 身材唔好, 有幸認識到白馬王子, 都唔會諗一齊, 覺得對方根本冇可能看上自己~
後來對方真的追求我了, 我卻不相信, 多次拒絕, 相信對方也是感受到我既愛才追我的~
所以對方無諗過我會拒絕, 後黎當然抵擋不住, 和他開始了~結果?
就是和 Gobby 的感情命運一樣 (除了生小朋友~哈~)
被對方食住了, 因為對方知道我好重視同緊張佢, 所以毫不在乎我~
真係如 Gobby 說的, 約左你可以唔記得, 甚至玩天光, 唔聽電話等等~您激到爆炸, 但佢卻可以抱頭大睡~
 
好不容易分開了, 就變了 Florence 的感情創傷, 忘不了往日的感情~
無論下一個男友對自己多好, 都無辦法愛上他。依然記住往日的感情創傷, 害怕再付出~
 
之後變得如 Mandy 一樣, 希望找一個成熟的, 可依靠的~
 
但其實想什麼都沒用, 當我遇到蝦子餅時, 沒有什麼的想法, 也沒有什麼感覺~
但愛情來的時候, 原來什麼都不用想~做自己便可以了~
因為我只希望他喜歡真正的我~^^~
我不希望自己走回從前的路~
 
所以我絕不認同愛情係需要教導的, 應該隨心而行, 做自己~
什麼45度角, 坐前坐後的教法, 難道傾計既過程仲要記住呢D課堂教學?
咁起不是腦中就只有這位導師? 而不是坐在您前面的人?
難道他會感覺到你自然嗎?
 
各位單身的女士~不要放棄~愛情來的時候, 擋也擋不住~
還沒來的時候, 好好享受無拘無束既生活吧~

2012年4月10日 星期二

希望「他」會愛上真正的自己~~但~~~~不代表您可以不企理。不打扮。不愛惜自己的皮膚~

盛女愛作戰~第二集看後感~
短短半小時, 五個不同性格的女人~
其實五個女人都有各自既氣質~
不過獨有既性格會局限了您所吸引的對象~
 
好似今集俾人話行為好MK, 好CHEAP既女仔~
佢都可以吸引一些被動, 喜歡對象主動的男人, 不過人數不多~
又或者場合唔岩, 如果係自己朋友派對, 就問題不大了~
 
另一個, 堅持唔改造自己, 希望男人愛自己的內在美~
曾幾何時, 夏沫都係咁諗, 所以自小都不化妝, 希望「他」會愛上真正的自己~
但~~~~不代表您可以不企理。不打扮。不愛惜自己的皮膚~
適當既場合, 我還是會打扮一番~(笑)
 
人~總是被美麗的東西吸引, 縱使是人或物~人人眼光不同~ (夏沫也很喜歡美女~^^~)
您要如何做到吸引最多的人呢? 你要吸引點樣既人呢?
不一定是吸引男人, 您打扮靚D, 潮D, PRO D, 斯文D, 型D, 都會吸引同類型既朋友~
志同道合既友人身邊也會有相應既男生~
朋友~朋友~朋友~識多D不同的朋友, 選擇也多一點~
圈子大D, 朋友多D, 見識多D, 話題多D, 自自然然機會也多點~
 
婚姻介紹的主持講得好岩, 人人都希望找理想對象, 有錢, 靚仔, 有型, 有車, 有樓, 有學識~
但點解人地要選擇您呢?
呢個問題, 值得思考一下~

嫁錯郎比單身更可怕呢~

盛女愛作戰~看後感~
 
雖然夏沫已經有個固定的男朋友, 但都希望了解而家既女仔心態~
夏沫身邊有不少樣子甜美, 有高等學歷, 擁有一定的高收入水平, 但卻是長期單身的~
 
夏沫曾經很替她們擔心, 努力介紹男仔給她們認識, 希望她們可以有個伴,
婚前總需要點時間了解一下~
 
夏沫介紹的男生可是事業有成, 有樓有樣子的啊~
可是有時我也明白, 他或她都已經習慣了一個人的生活, 縱使大家的條件不錯,
總是提不起勁去追求, 去認識, 去爭取~
 
今晚睇完呢個節目, 有一句好我認同~
就係冇一個男人希望擁有一個天天愁眉苦臉的女人~
 
各位單身的女士, 要對自己有自信, 每個人都有自己的優點, 只是需要點時間找這個懂得欣賞您的男人~
如果連您自己都對自己不滿, 那如何找別人來愛您呢?
要積極, 要加油啊~各位女士~
 
千萬別因為自己的年齡, 隨便的找一個, 嫁錯郎比單身更可怕呢~
 
有自信的女人會自然的散發您獨有的魅力啊~

2012年4月8日 星期日

【Glamabox Easter Wonderland】Event~ 有咩玩?

【Glamabox Easter Wonderland】Event~ 有咩玩?
 
相信好多人都已經係網路上見到好多呢個 Event 既介紹, 不過夏沫既出席並非以 Blogger 身份, 故此寫不寫文是隨心而發~
不過夏沫是一個, 受了您的恩惠, 就應該給對方相應的回報, 那才對得住自己和別人~^^~
 
今次好多謝 Glamabox PR 邀請夏沫出席活動, 好讓我也帶了不少 Blogger 同行, 給大家一個互相認識的機會~
夏沫可是很喜歡幫人~見到大家開開心心出席活動, 夏沫也很開心~
 
【Glamabox Easter Wonderland】今次在灣仔的 Penthouse Sky Lounge 舉行~ 我地一行 11 人大概 7:00pm 到達~嘩~想不到如此多人, 要排隊進場呢~早前夏沫出左篇 Myluxbox 與 Glamabox 大比併 , 有興趣的可看以下連結~
 
相信很多人都知道 Glamabox 的老闆是 Lisa S, 明星效應, 自然廣告上也不時出現她的影蹤。會場上佈滿很多四月份 Glamabox , 大家都好心急想知道盒中的是什麼有意思的產品~^^~不過活動未開始, 自然需要等待~(俾D耐性囉~)
 
 
眼看估計, 當天應該大概有 100 人參加, 由於人太多, 感覺似聯誼多些, 大家都各有各傾談, 各自拍攝, 亦可以飲飲食食~不過太多人去了小食的位置, 夏沫不太喜歡爭奪, 故此連去看看的念頭也放棄了。Glamabox 搞活動的氣氛很不錯, 或許職員比較多, 所以互動的情況也比較多, 而且各 PR 也很主動去照顧一些比較靜的來賓 ~^^~
 
 
Glamabox 這天的活動, 可是非常豐富, 一邊隨了介紹她們的盒子外, 還設有其他專區給大家試玩, 讓夏沫來一一介紹一下~
首先的是「Trendy Hair Styling Demo」, 是即場示範剪髮同 set 頭, Model 可是站著給髮型師整理的啊~很快就見到效果~
不過人太多了, 其實都係佢有佢剪, 我們有我們玩~
 
 
之後就係「Create Your Own Perfume」, 呢個係最多人排隊玩, 夏沬要等到差不多尾聲, 人流散退才有空間讓我走去看看究竟~
呢間香水公司名為" Glamour Perfume & Fragrance" , 係 2007 年成立首間可以自己調配適合自己的香水。夏沫其實好早之前已經見過呢間店, 覺得幾好玩, 佢地有成 100 幾種既香水俾你慢慢選, 而且 lasting 既時間有成 5-6 小時, 很不錯啊~除左香水, 佢地仲有香薰, 夏沫愛香薰既情度, 好似吸毒咁~哈哈~~因為真係好香, 聞完好舒服, 心境好平靜, 訓都訓得好 D~
 
夏沫很喜歡花香味, 特別鍾情香水百合既味道, 一直都期望婚後的家, 每朝早起床都可以聞到花香味, 個日既心情都會特別靚~
 
 
跟住仲有「Spring Make Up Demo」即場教大家化靚妝, 不過又係太多人, 根本冇辦法睇得清楚~所以放棄左映相~^^~
希望當日既化妝師唔好介意~(活動後竟然發現我同當天的化妝師有 Common Friend, 世界真細小啊~不過嚴格黎講, 當日既化妝師係唔識我架~^^!)
 
仲有仲有「Beauty Easter EGG Hunt」, 原來一直放係台度既復活蛋係有禮物架, 大家一聽到, 就搶奪啦~夏沫不喜歡爭奪~當然沒有搶啦~哈哈~~見到大家玩得咁開心, 我都開心既, 唔一定要自己得獎既~^^~
 
好似好多野玩, 未完架, 仲有「VinoCacao Chocolate Wine Tasting」, 夏沫最愛的朱古力啊~縱使我從不喜歡飲酒, 都試了一杯白酒, 口中一粒朱古力, 再加一啖朱古力白酒, 感覺好特別~呢種酒係 France 出品架~
 
 
最後一樣, 就係「Refine Live Placenta」的豚胎盤素, 但唔知點解, 邀請信沒有提及呢個項目。「塗抹式」的豚胎盤素喎~勁多人排隊玩啊~朋友說, 她青春期的兒子滿面豆豆, 都是靠塗抹它的啊~呵呵~~我也取了試用包回來試試呢~
 
 
成晚流流長, 當然要同美女們映下相啦~
 
 
當晚出席既朋友都可獲得四月份的 Glamabox 一個之外, 仲有一支 Advanced Moisturizing Smoothing Gel,
等我地黎睇下入面有咩先~
1. Aromatica Rose Absolute First Serum 35ml
2. Kamill Classic Hand Cream 30ml
3. Glamour Perfume & Fragrance 5ml
4. Spa ph+ PHYTO-C Phyto Plus Gel Set 3.75ml
5. Mud Rang Cleansing Foam 70ml
6. Prodigy Advanced Moisturizing Smoothing Gel 15ml ( Extra Gift)
 
~嘩~大合照~好多人呀~其實呢度只係三份之一咋~
 
夏沫職業病又來~又發現了她們的邀請信打錯了字, 哈哈~~~
 
love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~

2012年4月5日 星期四

【Dove】想擁有廣告中的頭髮柔順易梳, 唔係冇可能~

【Dove】想擁有廣告中的頭髮柔順易梳, 唔係冇可能~
前排被邀出席 Dove 第一擊 - 絕密新護髮, 咁神秘~? 究竟係D咩新產品呢?
一向視頭髮為命的夏沬, 又點可以錯過呢個機會~
夏沬一直認為, 縱使你生得多漂亮, 如果你沒有一頭秀髮, 您整個造型都會被髮型所影響~
Dove 將於 4 月推出全新概念的修護產品「2 步深層鎖護精華」,帶給大家「用 1 次 柔軟順滑 7 天」的驚喜~
究竟係咪真係work? 帶大家了解下~
個晚一到步, 坐左一陣, iMORE既負責同事就出黎講解下流程~
原來夏沬今晚係黎洗頭架~估唔到啊~
由於要輪流洗頭, 主辦單位好細心咁為我地準備左西餅~
究竟 Dove 既2 步深層鎖護精華係咩? 夏沬帶大家睇下佢地廣告介紹~
2 步深層鎖護精華一星期用一次,就可以提供七日所需既修護力~

終於到夏沬洗頭~洗完頭先後, 先搽第一個STEP既精華~之後等幾分鐘~沖水後再搽第二個STEP既精華~
由於呢D步驟我都映唔到相, 所以返到屋企第二日洗頭再自己試一次~
活動差不多完之前, 大會請左髮型師教大家SET頭同今季流行髮型~
夏沬本身都係Dove既Fans~所以家中都有Dove既洗頭水同護髮素, 而家再加埋呢個2 步深層鎖護精華, 真係好開心~因為夏沬最緊張就係自己把頭髮~
2 步深層鎖護精華中既第一步, 含「髮絲纖維修護」因子,深入滲透髮芯纖維,修護受損部分,為髮芯注入養分。輕輕按摩3分鐘以後, 再用清水清洗~
2 步深層鎖護精華中既第二步,含Dove「修護鎖科技」, 在修護髮絲後瞬間鎖住修護養分於秀髮上,令秀髮順滑不易打結展現光采,用後無需清洗。
個盒上面都好清楚教你點用, 我用第一個Step時, 通常都係沖涼既時候先洗頭,之後盡量將頭髮既水份壓出, 之後用上Step 1既精華, 搽係耳朵以下既頭髮, 按摩3分鐘後,再同夾盤上頭頂,利用浴室既蒸氣, 令個Treatment更加發揮功效~沖完個身再沖沖水就OK架啦~
又使用 Step 2 既精華就簡單得多, 洗完頭之後, 用毛巾抺乾頭髮, 再用上Step 2既精華, 記住只搽少量, 否則精華太多會好"立"架~
Step 1 既精華係白色既~, 而 Step 2 既精華就係透明既油性質地, 所以絕對唔可以搽太多~
就係呢兩支精華啦~雖然細細支, 但係好抵用啊, 我用左 4 次都未用晒一支, 我既頭髮係長到落腰架~一盒仲要有4支Step 1同4支Step 2, 都只係賣$ 59.9, 好過去髮型屋做Treatment啦~^^~
我諗大家都好想知道個效果吧~俾大家睇下個比較圖, 我專登係用之前先映左張相, 大家都應該睇到個分別,有光澤左,順左,仲好似好滑咁添~
總結:夏沬平時好少係屋企做Treatment, 今次得到呢SET Dove 2 步深層鎖護精華, 原因我都係佢既 Fans~^^~ 返到屋企即刻急急試用~ 夏沬既頭髮好長好直,是天生的啊~不是負離子的效果啊~ 未用Dove 2 步深層鎖護精華之前, 都算順滑, 但係髮尾永遠都係不上不下咁~特別係訓醒之後, 更加令人頭痛。夏沬用左幾次Dove 2 步深層鎖護精華, 而家洗完頭又直又滑唔在講, 連第二日訓醒覺, 都冇左不上不下呢個煩惱~呵呵~竟然咁容易就解決左呢個問題, Dove 仲乜唔早 D 出呢SET 2 步深層鎖護精華啊~用晒呢盒, 夏沬都會KEEP住再用, 始終咁長頭髮, 係需要花 D 心機打理一下~

love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~
http://cathcath.theztyle.com/
http://lovecath.blogspot.com/
http://blog.yahoo.com/summercath
http://www.blog.she.com/lovecath
http://www.fnb.hk/blog/25150