2016年10月18日 星期二

White Button Cafe & Dessert ♥ 呃 Like 必去 Cafe。甜品賣相吸引

White Button Cafe & Dessert ♥ 呃 Like 必去 Cafe。甜品賣相吸引
上網搵 Cafe 想同朋仔假日聚下
呢間 Cafe 其實我留意左佢既 Instagram 好耐
覺得食物賣相好吸引, 就約朋友仔去試下~

我地去個日係星期日, 我遲過友人到達
一到達朋友仔就話中左伏, 話服務好差
眼見星期日竟然無人確實令人擔心
不過環境卻是幾舒適既, 朋友仔話佢食左個麵唔好味, 飲品又唔好味
咁個人口味人人不同既, 我都選擇左叫甜品試下

甜品未到之前就周圍映下相
因為無人, 我地幾乎包場咁制

食甜品除左味道之外, 賣相真係好重要
我地二話不說就點了「玫瑰龍捲風」好似一舊雲咁好靚呀~
及點了「Lemon Tart with Sakura Peach Sorbet」

「玫瑰龍捲風」賣相相當吸引
外層圍著粉紅色的棉花糖
女生們當然是不停相機食先啦~哈哈~~
不過佢溶得好快, 食既時候非常狼狽
朋友仔著左短褲, 佢成隻腳同手都痴笠笠,
平時外面買的棉花糖沒有溶得那麼快呢~

終於食晒棉花糖才看到杯內的是綠茶慕絲
慕絲幼滑, 綠茶味不濃

「Lemon Tart with Sakura Peach Sorbet」
Menu 內看到是粉紅色蘋果樣子, 所以才點的
上台時是粉紅色圓型雪球, 賣相是靚的

上層是 Sakura Peach Sorbet , 我只感覺是少少甜味的沙冰, 感覺似混了糖水的冰
下層是 Lemon Tart , 連外層一起吃其實幾好味, 不太酸但有檸檬香味
但朋友仔話好酸, 佢只吃中間部份

其實 White Button Cafe & Dessert 影相真的很不錯
甜品賣相吸引, 雖然味道不吸引

朋友仔說服務好差, 我就沒有感受到, 基本上是沒有服務可言
要找個人點餐都有點困難
但如果你志不在食, 志在同朋友仔聚下, 傾下計, 映下相
呢度環境係唔錯既~

謝謝大家來看LoveCath夏沫的文章啊~^^~
Catherine (LoveCath夏沫),

分享平台 Blog
 
LoveCath 夏沫