2016年6月10日 星期五

美食 ♥ Blueduck Workshop ? 工作窒 ? 其實是一間西式私房菜

美食 ♥ Blueduck Workshop ? 工作窒 ? 其實是一間西式私房菜
聽個名無諗過係間餐廳, 知道係餐廳後又以為鴨肉是皇牌菜
點知統統都唔係, 哈哈~~~其實係一間西式私房菜

入到去環境氣氛唔錯, 清雅格調, 播放著柔柔樂曲, 坐得舒適心情放鬆

餓到爆之制送上自家製的香噴噴香草麵包
外層卜卜脆, 內層鬆軟得黎有少少煙軔感, 好好味

「三文魚帶子沙律配燒黑豚肉」竟然有秋葵食~唔係度度有得食
沙律酸酸甜甜令人胃口大開

菠菜忌廉湯以杯盛載, 平時唔飲忌廉湯, 但點都要試下既~^^~
本身自己唔多好忌廉, 所以就唔評價啦~
反而幾喜歡用杯, 因為我好鍾意飲湯, 平時飲亞媽靚湯可以飲 3-4 碗
用杯飲就方便得多啦~哈哈~~

「法國黃雞柳伴黑松露蘑菇飯」鍾情黑松露這是必點之選
非常濃烈的黑松露香味, 色香味俱全

沾滿黑松露的意大利飯, 淡淡可口, 意大利飯軟硬適中, 保留口感
如再加多點蘑菇就更有口感了~

甜品永遠是整餐飯最令人開心的一環
其實睇得出大廚有花心思去設計, 不過如果用上濃度較高的朱古力會好味
而旁邊的啫喱賣相麻麻地, 好似食剩咁既樣
但味道清新唔太甜

整體都好滿意, 可以再去食的, 喜歡那裡環境清靜, 台與台之間有距離,
好適合傾計談心的聚腳點
 
謝謝大家來看LoveCath夏沫的文章啊~^^~
Catherine (LoveCath夏沫),

分享平台 Blog
 
LoveCath 夏沫